Təbrizdə həbs edilən Azərbaycan Milli Elmlər Akademiyasının (AMEA) Ədəbiyyat İnstitutunun elmi işçisi Xalidə Xalid casusluqda ittiham olunur.AZXEBER.COM-un məlumatına görə, bu barədə İranın dövlət televiziyasının rəsmi saytı (İRİB) xəbər yayıb. İRİB Xalidə Xalidin irqçilik və casusluq istiqamətindəki təhrikedici fəaliyyətinə görə həbs edildiyini bildirərək bunu siyasi oyun kimi qiymətləndirib.Xatırladaq ki, Xalidə Xalid və Şamxal Hüseynov aprelin 30-da gecə saatlarında azərbaycanlı fəal Məhəmməd (Oxtay) Rəşidinin ata evində İran İnformasiya, Təhlükəsizlik və Kəşfiyyat Nazirliyinin (ETTELAAT) əməkdaşları tərəfindən həbs ediliblər. Bundan başqa 4 yerli azərbaycanlı fəalın həbsə alındığı da bildirilir. Həbs edilənlər azərbaycanlı fəallar – yazıçı Aşıq İsaq Qaraxanlı, Təbriz Azad Universitetinin tələbəsi Əmir Hadiyan və yazıçı Fərhadi Soyadlıdır. Onlar O.Rəşidinin anasının doğum günü və İranda Analar Günü münasibətilə onun ata evinə toplaşıblarmış.
