Rusiya polisi sosial şəbəkələrdə qızlarla tanış olan, sonra isə saxta yollarla ümumi dəyəri təqribən 99414 dolları olan iri həcmdə pulları mənimsəyən fırıldaqçı alfonsu yaxalayıb.
Daxili İşlər Nazirliyinin Vladivostok üzrə İdarəsinin mətbuat xidmətinin məlumatına görə, bu neçə illər Primorski paytaxtında yaşayan 27 yaşlı Azərbaycan əsilli Amid Abdullayevdir. “Fırıldaqçılıq sxemi çox sadə olub. Şübhəli şəxs müxtəlif adlarla (Teymur, Frank, Səid) tanışlıq saytlarında qeydiyyatdan keçib, sanballı görünmək üçün yaşını artırıb, başqa geyimdə xaricdə çəkilmiş şəkilini əlavə edib. Və yaşı 35-dən 50-dək olan qadınlarla tanış olub, yazışma zamanı qadınların nə qədər maaş aldığı, sosial vəziyyətlərini müəyyən edib. Əgər qadın imkanlıdırsa, ona görüşməyi təklif edib”, - deyə polisin məlumatında bildirilir. Zərərçəkənlərin ifadələrinə görə, birinci görüşdə fırıldaqçı qadınlara gül, hədiyyə təqdim edib, kompliment deyib və onlara yaxşı qulluq edib. Hər görüşdə biznesinin inkişaf etdiyi, müntəzəm olaraq xaricə getdiyini, pulun hesabını heç aparmadığını xatırladıb. Bu məftunedici və uğurlu kişini dinləyən qadınlar ondan fırıldaqçı kimi şübhələnməyiblər. “Hətta qadınlar onunla görüşdən sonra cüzdanlarından pullarının, evlərindən isə qiymətli əşyalarının yoxa çıxdığını sezdikləri zaman məşuqundan şübhələnməyiblər”, - deyə polis idarəsindən qeyd ediblər. Məlumata görə, fırıldaqçı bir neçə ay ərzində təqribən 99414 dollar toplaya bilib. Polis müəyyən edib ki, Amid hər uğurlu fırıldaqdan sonra vətəninə gəlib. Həmyerlimiz Moskvaya gedərkən Vladivostok hava limanında saxlanılıb. Hazırda onun haqqında üç şikayət daxil olub. Lakin bu sayın çox ola biləcəyi ehtimal olunur.ona qarşı cinayət işi qaldırılıb. İndi onu 5 ilədək azadlıqdan məhrum etmə cəzası gözləyir.
