AZXEBER.COM xəbər verir ki,çempionatda Azərbaycanın yeganə medalını qazanan yunan-Roma güləşçimiz Rəsul Çunayevin erməni rəqibini darmadağın etməsi gündəmdən düşmür. Çunayevin 11-0-lıq möhtəşəm qələbədən sonra əsgər salamı verməsi dünyada müzakirə mövzusuna çevrilib.
"Facebook" sosial şəbəkəsində 200 minə yaxın üzvü olan və dünyada güləş üzrə ən böyük səhifələrdən sayılan "United World Wrestling" səhifəsi Çanayevin bu fotosunu paylaşıb və yazıb : "Sizcə Çanayev qələbə qazanandan sonra nəyə görə belə sevinib?"
Bu suala ən tutarlı cavabı millət vəkili Aydın Abbasov verib. Deputat ingiliscə cavabında yazıb: "Çünki erməni işğalçıları 20 ildir ki, Azərbaycan ərazisini işğal edib. Biz xarici ölkələrdən haqq səsimizə dəstək verməyi gözləyirik. Alllah hər birinizi qorusun".
Millət vəkilinin bu şərhini səhifədə 100-ə yaxın insan bəyənib və bu comment erməniləri hiddətləndirib. Onlar deputata hücumlara başlayıb və onu təhqir edən şərhlər yazıblar.
AZXEBER.COM həmin fotonu təqdim edir:
