Türkiyədə fəaliyyət göstərən azərbaycanlı model Günay Musayeva "Best Model of the World" yarışmasının finalında münsif kürsüsündə yer alacaq.
Dekabrın 8-də İstanbulda baş tutacaq finalda Türkiyəni Berk Atan və Buse Terim təmsil edəcək. 90 manikenin iştirak edəcəyi müsabiqədə Sibel Tüzün, Ece Filiz ve İbrahim Gayberi aparıcılıq edəcək. 9 ölkədə canlı yayımlanacaq yarışmada dünyanın ən yaxşı manikeni adı uğrunda 20-yə yaxın ölkə nümayəndəsi mübarizə aparacaq.
Ana olandan sonra televiziya proqramlara qatılmayan Günay Kanal D-də yayımlanan verilişi evinə dəvət edib və ilk dəfə oğlu Cihangiri tamaşaçılara göstərib. Yeni il ərəfəsində bir çox jurnallar üçün xüsusi çəkim edən model maraqlı müsahibələri ilə də diqqət çəkib. Bununla yanaşı Günay prodüsser Erol Kösənin də diqqətini çəkib. Türk ulduzlarından fərqli olaraq Erol Kösə proqramında Günayı tənqid etməyib, əksinə onu bəyəndiyini bildirib. //SIA
