Azərbaycanlı iş adamı Moldovanın "Saksan" klubunu öz himayəsinə götürə bilər. Fanat.az xəbər verir ki, bu barədə moldfootball.com saytı məlumat yayıb.
Həmin iş adamının adı açıqlanmayıb. Bildirilir ki, azərbaycanlı iş alamı iranlı və türkiyəli ortaqları ilə birlikdə kluba sərmayə qoymaq istəyir. Həmyerlimiz "Saksan"ın bütün xərclərini ödəməyə razı olduğunu bildirib. Tərəflər arasında rəsmi müqavilənin gələn həftə elan ediləcəyi deyilir.
“Saksan”ın prezidenti Qriqori Kadınov moldfootball.com saytına açıqlamasında azərbaycanlı biznesmenlə danışıqlar apardıqlarını təsdiq eidb. Klub rəhbəri deyib ki, hələ tərəflər arasında razılıq əldə olunmayıb.
Qeyd edək ki, "Saksan" klubu 2010-cu ildə yaradılıb. 2010/11 mövsümündə B divizionunun qalibi olan komanda növbəti 3 mövsümdə A divizionunda çıxış edib. 2013/14 mövsümündə bu liqanın qalibi olan komanda güclülər dəstəsinə vəsiqə qazanıb. "Saksan" ötən mövsüm 5-ci pilləni tutaraq tarixində ilk dəfə Avropa Liqasına vəsiqə qazanıb. Lakin ilk mərhələdə Cənubi Kiprin "Apollon" klubuna uduzaraq mübarizəni dayandırıb (0:2, 0:2).
Cari mövsümdə uğursuz çıxış edən komanda 16 turda cəmi 4 xal qazanıb və qış fasiləsinə sonuncu - 10-cu pillədə yollanıb. Komandanın baş məşqçisi Nikolae Panudu.
