Hadisə iş adamının yaşadığı “Slavyanski bulvar” küçəsində baş verib. Qatil 9 mm kalibrli tapançadan 3 dəfə iş adamının ürək nahiyəsinə daha sonra bir dəfə başına atəş açıb.

Mərhumun cəsədi səhər saatlarında həyat yoldaşı tərəfindən aşkar edilib. Canpolad Şamiloğlunun qonşuları da gecə saat 3-də silah səslərinin eşidildiyini bildiriblər.

Qətlin sifarişlə killer tərəfindən törədildiyi qeyd olunub. Çünki, 3 dəfə ürək və bir dəfə baş nahiyəsinə açılan atəş bunu deməyə əsas verir.

Artıq Rusiya İstintaq Komitəsində 46 yaşlı azərbaycanlı Canpolad Şamiloğlunun qətli ilə bağlı cinayət məcəlləsinin 105-ci (“Qəsdən adam öldürmə”) və 224-cü (“Qanunsuz odlu silah gəzdirmə”) maddələri ilə cinayət işi qaldırılıb.

///AzVision.az