Gürcüstan vətəndaşı olan Etibar Budaqlı qeyri-adi istedadı ilə “Ginnesin Rekordlar Kitabı”na düşməyi bacarıb. Gəzən maqnit parçası kimi dəmirləri asanlıqla bədəninə yapışdıran bu adamın ləqəbi də “maqnit adam”dır. Pekin səhnəsində uğurlu çıxışı ilə adını “Ginnesin Rekordlar Kitabı”na yazdırıb.O, rəsmi olaraq bu adı qazanan ilk azərbaycanlıdır. Maqnit adam iddia edir ki, bioenerji ilə insanlara iynə-dərmansız şəfa vermək gücündədir. Hazırda onun Gürcüstanda “Bioenerji Mərkəzi” də fəaliyyət göstərir.
