ARB TV-nin "Gəlin danışaq" verilişinə qonaq olan müğənni Niyam Salami maraqlı açıqlamalar verib.
Aparıcının Niyam Salamiyə aid 2 əşyanı studiyaya gətirməsi ifaçını şoka salıb:
"Bu əşyanı kiçik bacım mənə verib. Atamın yadigarıdır. Bu, özəldir. Su, çay içmək üçün istifadə olunurdu. Mən heç vaxt efirdə ağlamamışam, amma indi bir az pis oldum".
Müğənni atası haqda danışarkən göz yaşlarını gizlədə bilməyib:
"Atamın daşıdığı yüklərə məəttəl qalıram. Çox güclü insan imiş. Mən daşıya bilmirəm, tükənirəm hər şeydən. "Həzrəti Yusif" filmi məni parça-parça elədi. Atam 3 ay evdə, 3 ay isə işdə olub. Bizim necə böyüdüyümüzü görməyib. Anam çəkib zəhmətimizi. Digər əşyanı isə Rakif adlı rəssam hədiyyə edib. Bahalı hədiyyə olduğunu və 16-17-ci əsrlərə aid olduğu bildirdi. Şah İsmayıl Xətai bu qabda su içib".
Tanınmış sənətçi nə vaxt evlənəcəyini də açıqlayıb:
"Bunu ilk dəfə sizə deyirəm. Yaxınlarımın problemini həll etmədikcə, hər şey yerində olmayana qədər mən evlənməyəcəm".
