"Azərişıq” ASC paytaxtın Xəzər rayonunda gənci elektrik cərəyanı vurması ilə bağlı hadisəyə münasibət bildirib.
Qurumdan Oxu.Az-ın sorğusuna cavab olaraq bildiriblər ki, sözügedən ünvandakı transformator "Azərişıq” ASC-nin balansına daxil deyil.
20:40
Bakı şəhərinin Xəzər rayonunda elektrik yarımstansiyasının ərazisindəkı transformatorda cərəyan vurması nəticəsində 2005-ci il təvəllüdlü Muradov İsmayıl Misirxan oğlu vəfat edib.
Bu barədə Fövqəladə Hallar Nazirliyi məlumat yayıb.
Bildirilib ki, hadisə yerinə FHN-nin Xüsusi Riskli Xilasetmə Xidmətinin müvafiq xilasetmə qüvvələri cəlb olunub.
Təhlükəsiz əməliyyat şəraiti təmin olunduqdan sonra xilasedicilər İ.Muradovun meyitini elektrik naqillərindən ayırıb transformatordan aşağı düşürərək aidiyyəti üzrə təhvil veriblər.
