Bunu AZXEBER.COM-a açıqlamasında "Azərsu” ASC-nin mətbuat xidmətinin rəhbəri Anar Cəbrayıllı bu gün Yusif Səfərov küçəsində yerləşən hündürmərtəbəli binada baş verən yanğın zamanı su qıtlığının yaşanması ilə bağlı səslənən itttihamlara münasibət bildirərkən deyib.
Onun sözlərinə görə, təmsil etdiyi qurum bu gün ərazini su ilə fasiləsiz təmin edib:
"Həmin ərazidə "Azərsu” ASC-nin xətlərində normal təzyiqlə (3 atmosferdən artıq) su verilib. Yanğın zamanı Nəsimi Su Kanal İdarəsinin rəhbərliyi hadisə yerində və yanğınla əlaqədar yaradılmış qərargahda olublar. Amma onlara su olmaması ilə bağlı heç nə deyilməyib.
Bildirmək istəyirəm ki, hətta binanın işçilərinə icazə verilib ki, smart kartlarında su qurtarsa belə xətti birbaşa şəbəkəyə qoşub anbarlarını su ilə doldursunlar ki, yanğının qarşısı maksimum tez alınsın. Yanğın başlayan vaxtı binanın ehtiyat anbarında kifayət qədər su olub, eyni zamanda həmin ərazidə 3 yanğın hidrantı da var. "Azərsu” ASC-nin əməkdaşları bu dəqiqə də hadisə yerindədədirlər və onların verdiyi məlumata görə heç bir su qıtlığından söhbət gedə bilməz”.
Xatırladaq ki. Yusif Səfərov küçəsində yerləşən "Trump Tower”də baş verən yanğından sonra fövqəladə hallar nazirinin müavini general-leytenant Etibar Mirzəyev mətbuata açıqlama vermişdi. E.Mirzəyevin sözlərinə görə yanğının uzun müddət davam etməsi su qıtlığı ilə əlaqədar olub : "Yanğın tam söndürülüb. Yanğının söndürülməsinə 25 texnika, 100-ə qədər canlı qüvvə cəlb edilib. Yanğının uzun müddət davam etməsi su qıtlığı ilə əlaqədar olub. Hazırda şəhrdə tıxacdı. İri texnikaların yanğın yerinə yaxşınlaşmasına çətinlik törədirdi. Yanğının səbəbi araşdırılır".
