"İtaliyanın məşhur il Previdente" jurnalında AZƏRTAC-ın xüsusi müxbirinin müsahibəsi dərc olunub
AZXEBER.COM xəbər verir ki, İtaliyanın nüfuzlu "il Previdente" onlayn jurnalında AZƏRTAC-ın İtaliya, (Malta, Serbiya, Monteneqro, Bosniya və Herseqovina) üzrə xüsusi müxbiri Asiman Əsədovun Avropa Xəbər Agentliyinin müxbiri Karlo Marinoya yerli dildə verdiyi geniş formada məxsusi müsahibəsi dərc olunub.
Müsahibəsində müxbir Azərbaycan Dövlət İnformasiya Agentliyinin (AZƏRTAC) yaranma tarixindən, agentliyin iş fəaliyyətindən və dünya informasiya məkaninda beynəlxalq əlaqələrindən danışıb.
A.Əsədov bildirib ki, Azərbaycan Xalq Cümhuriyyəti hökuməti tərəfindən 1920-ci il martın 1-də yaradılan AZƏRTAC rəsmi məlumatlarla bərabər, fasiləsiz olaraq Azərbaycan, ingilis, rus, fransız, alman, ərəb, çin və ispan dillərində ictimai-siyasi və iqtisadi mövzularda, habelə elm, təhsil, mədəniyyət, səhiyyə, idman, ətraf mühit və s. barədə dəqiq və operativ informasiya yayır. Qeyd edib ki, AZƏRTAC ötən müddətdə 50-yə yaxın aparıcı xarici xəbər agentliyi ilə əməkdaşıq müqaviləsi imzalayıb və hazırda 150-dək agentliklə isə informasiya mübadiləsi aparır.
Müsahibəsində xüsusi müxbir diqqətə çatdırıb ki, dünyanın 5 qitəsində agentliyin-ın ABŞ, İngiltərə, Fransa, Almaniya, Avstriya, Baltik ölkələri, Macarıstan, Rusiya, Ukrayna, Misir, Türkiyə, Gürcüstan, İran, Özbəkistan, Türkmənistan, Çin, Yaponiya, İspaniya, Rumıniya, İtaliya və İsveçdə, respublikanın regionlarında müxbir məntəqələri fəaliyyət göstərir.
Asiman Əsədov bildirib ki, gələn il Azərbaycanın ilk milli xəbər agentliyi olan AZƏRTAC-ın 100 yaşı qeyd olunacaq.
