Bahar Muradova: "Dağlıq Qarabağ xalqı deyilən bir şey yoxdur"
SİYASƏT
14:01 29.06.2014
1646
ATƏT Parlament Assambleyasının (PA) Bakıda keçirilən 23-cü illik sessiyası çərçivəsində təşkilatın siyasi məsələlər və təhlükəsizlik komitəsinin iclası zamanı erməni deputatı Artaşes Qeqamyan əsassız iddialarla çıxış edib.AZXEBER.COM-un Trend-ə istinadən məlumatına görə, A.Qeqamyan Dağlıq Qarabağın müstəqil ölkə və İrəvanın Ermənistanın tarixi torpağı olmasını iddia edib.Azərbaycan parlamentinin vitse-spikeri Bahar Muradova isə erməni deputatının iddialarını ifşa edərək onu susmağa məcbur edib.B.Muradova sessiya iştirakçılarının diqqətinə çatdırıb ki, 22 ildən artıq mövcud olan Dağlıq Qarabağ məsələsi məhs qeyri-qanuni keçirilən referendumun və bir neçə dəfə qeyri-qanuni keçirilən parlament və prezident seçkiləri nəticəsində mövcuddur: "Erməni deputatı Dağlıq Qarabağı özünü ifadə etmiş bir dövlət kimi qələmə verməyə çalışır, hətta onun haqqında gülməli bir ifadə işlədərək onun demokratikliyini qələmə verməyə çalışır. Dağlıq Qarabağa səfər edən bizim həmkarlarımız bu regionun hansı vəziyyətdə olduğunu və orada qalan bir qrup çox kasıb, aşağı səviyyədə yaşayan, bütün imkanlardan məhrum bir əhalinin hansı vəziyyətə olduğunu görür. Dağlıq Qarabağ xalqı deyilən bir şey yoxdur, orada yalnız etnik ermənilər yaşayır, Azərbaycan vətəndaşları və biz onların bu günki durumu üçün çox narahatçılıq keçiririk, çünki bu insanlar "böyük Ermənistan" ideyasının çox xırda girovuna çevriliblər".B.Muradova qeyd edib ki, ermənilər Dağlıq Qarabağ ilə bağlı həqiqətləri eşitmək istəmirlər.
