"Azərbaycan və Ermənistan arasında sülh müqaviləsi uzunmüddətli, davamlı həll yollarına əsaslanmalıdır”
AZXEBER.COM xəbər verir ki, bu sözləri Rusiya xarici işlər nazirinin müavini Mixail Qaluzin RİA Novosti agentliyinə müsahibəsində bildirib.
O, tərəflər arasında sülh müqaviləsinin hazırlanması ilə bağlı sualı cavablandırarkən qeyd edib ki, danışıqlar prosesinin gedişatına mane olmamaq üçün onun gedişini şərh edə bilmərik:
"Bakı və İrəvan nəyin onların fundamental maraqlarına cavab verdiyini və xalqları üçün sabit və etibarlı sülhü necə təmin etmək niyyətində olduqlarını özləri qərar verirlər. Bakı ilə İrəvanın barışması üçün yol xəritəsi formalaşdırılır. Bura nəqliyyat və iqtisadi əlaqələrin blokunun açılması, Ermənistan-Azərbaycan sərhədinin delimitasiyası və vətəndaş cəmiyyəti vasitəsilə təmasların inkişafı istiqamətində addımlar daxildir”,- deyə Rusiya xarici işlər nazirinin müavini əlavə edib.
Sülh müqaviləsinin mövzusuna qayıdaraq Qaluzin bildirib ki, Rusiya tərəfi ümumi dil tapmağa tərəflərə uyğun gələn razılaşmalara və güzəştlərə getməyə kömək edir.
Şəbnəm Zahir
