Bu gün səhər saatlarında Bakı metrosunun "Koroğlu” stansiyasında həddindən artıq sərnişin sıxlığı yaşanıb.
Bu barədə hadisə şahidləri BAKU.WS-in "qaynar xətti”nə məlumat veriblər.
Bildirilib ki, stansiyada qatarda səs-küy və qalmaqal yaşanıb.
Məsələyə aydınlıq gətirmək üçün Bakı Metropoliteni ilə əlaqə saxladıq. Qurumun rəsmisi Bəxtiyar Məmmədov BAKU.WS-ə bildirdi ki, həqiqətən də, bu gün "Koroğlu” stansiyada çox sərnişin olub.
"Əməkdaşlarımız sərnişinlərin hərəkətini tənzimləməyə çalışıblar. Səs-küyə gəlincə, bir sərnişin vaqondan düşərkən çantası qalıb. Ona görə də, hay-küy düşüb”, - deyə qurum rəsmisi bildirib.
Nəticədə qatarın hərəkətində təxminən 1 dəqiqə gecikmə olub. Lakin sonradan həmin interval yolda tənzimlənib.
