Bakıda anbar qarət olunub.
Bu barədə Daxili İşlər Nazirliyi məlumat yayıb.
Bildirilib ki, iyunun 26-da Lökbatan qəsəbəsi ərazisində Bakı şəhər sakini Ə.Kərimova məxsus anbardan 10 000 manat dəyərində 10 ədəd kondisioneri oğurlanıb.
Əlahiddə Çevik Polis Alayı və Qaradağ rayon Polis İdarəsinin 10-cu Polis Bölməsi əməkdaşlarının keçirdikləri əməliyyat tədbirləri nəticəsində oğurluqda şübhəli bilinən Bakı şəhər sakinləri C.Ağayev, İ.Ağayev, M.Zərbəliyev və Şirvan şəhər sakini F.Kərimov saxlanılıblar.
