Sabunçu RPİ-nin əməkdaşları kişini saxlayıblar və istintaqa təhvil veriblər, qadının vəziyyəti ağır kimi qiymətləndirilir.
Ailə faciəsi Bakının Sabunçu rayonunda baş verib. Hadisə nəticəsində qadın çoxsaylı bıçaq yaraları alıb və 3 saylı Şəhər Kliniki Xəstəxanasına yerləşdirilib.
Bu barədə Sputnik Azərbaycan-a hüquq-mühafizə orqanlarından bildiriblər.
Maştağa qəsəbəsində Albalıq massivində 1989-cu il təvəllüdlü Kamran Əliağa oğlu Quliyev 1994-cü il təvəllüdlü həyat yoldaşı Rəhimova Fərqanə Arif qızı ilə mübahisə zamanı ona çoxsaylı bıçaq xəsarətləri yetirib. Zərərçəkən ağır vəziyyətdədir.
Quliyev Sabunçu rayonu 14-cü polis bölməsinin əməliyyatçıları tərəfindən saxlanılıb.
İstintaq cinayətin səbəblərini araşdırır.
