Bakıda gedişhaqqında dəyişiklik: 1 saat ərzində limitsiz nəqliyyat
SOSİAL
21:41 21.08.2026
196
AZXEBER.COM xəbər verir ki, iqtisadçı Natiq Cəfərli "Bakupost.az”a bildirib ki, ümumiyyətlə zamana bağlı bilet sisteminə keçmək lazımdır.
Onun sözlərinə görə, dünyanın hər yerində gedişhaqqı zamana bağlıdır və birdəfəlik gedişhaqqı kimi ölçülmür. Zamana bağlı 1 saatlıq, 1 günlük, 3 günlük, 1 həftəlik, 1 aylıq və illik biletlər mövcuddur.
N.Cəfərli bildirib ki, vətəndaş metroya minərkən 1 saatlıq bilet alır, metrodan düşüb avtobusa minir və əlavə bilet almır. Bir saat ərzində nə qədər nəqliyyat dəyişsə də, cəmi bir dəfə ödəniş edir.
İqtisadçı qeyd edib ki, ayrı-ayrı güzəştlərin tətbiq olunmasındansa, məsələnin birdəfəlik həlli önəmlidir.
Onun sözlərinə görə, sistem tətbiq olunanda tələbələr, şagirdlər və təqaüdçülər üçün güzəştli qiymətlər müəyyənləşdirilir.
N.Cəfərli vurğulayıb ki, dünyanın keçdiyi yol var: "Biz özümüzdən velosiped icad etməkdənsə, normal ölkələrin praktikasını götürüb tətbiq etməliyik.”
OXŞAR XƏBƏRLƏR
ƏN SON XƏBƏRLƏR
