Xəzər rayonu Türkan qəsəbəsində döyüldüyü bildirilən şəxs polisə dəvət edilib.
Bu barədə AZXEBER.COM-a Daxili İşlər Nazirliyinin (DİN) mətbuat xidmətindən bildirilib.
DİN-in mətbuat xidmətinin əməkdaşı Nurlan Əliyev bildirib ki, yayılan görüntülərin dörd ay öncə çəkildiyi məlum olub:
"Hadisə ilə bağlı müvafiq polis orqanında araşdırma aparılıb. Tərəflər polis orqanına dəvət olunaraq izahatları alınıb. Araşdırmalarla görüntülərin dörd ay öncə qeydə alındığı məlum olub. Şəmsəddin İbrahimov izahatında oğlu tərəfindən döyülmədiyini, ərazidə yerləşən istixanada çalışarkən yıxılaraq xəsarət aldığını bildirib”.
Faktla bağlı araşdırmalar davam etdirilir.
