Bakı şəhərinin Binəqədi rayonunda üçmərtəbəli evdə yanğın olub.
Bu barədə Fövqəladə Hallar Nazirliyi məlumat yayıb.
Bildirilib ki, ümumi sahəsi 618 kvadrat metr olan (hər mərtəbəsi 206 ) üçmərtəbəli evin ikinci mərtəbəsində pəncərə altlığı 0,5 kvadrat metr sahədə və bir ədəd kondisioner, üçüncü mərtəbəsində ayrı-ayrı otaqlarda 6 kvadrat metr sahədə məişət əşyaları yanıb.
Yanğın zamanı yanğınsöndürənlər tərəfindən bir nəfər xilas olunub.
Evin qalan hissəsi yanğından mühafizə olunub.
Yanğın söndürülüb.
