"ABŞ cavab verməlidir".
AZXEBER.COM Tesnim Xəbər Agentliyinə istinadən xəbər verir ki, İranın Baş Qərargah rəisi Baqiri, İsrailin Suriyaya hücumunda həlak olan İnqilab Keşikçiləri Ordusunun Qüds qüvvələrinin komandanı briqada generalı Məhəmməd Rza Zahidinin İsfahanda təşkil edilən dəfn mərasimində çıxış edib.
Qərargah rəisi Dəməşqə hücumda Zahidi və onu müşayiət edən iranlı əsgərlərin öldürülməsinə görə İsrailin hücumunun cavabsız qalmayacağını bildirib.
İran Baş Qərargah rəisi məsuliyyəti Amerika Birləşmiş Ştatların daşıdığını bildirib: "Dəməşq hücumunun əsas məsuliyyəti ABŞ-dir və o, cavab verməlidir".
Qeyd edək ki, İsrail aprelin 1-də İranın Dəməşqdəki səfirliyinin şəhərciyindəki konsulluq binasına hava hücumu həyata keçirib. Hücum zamanı İran İnqilab Keşikçiləri Ordusundan 2-si general olmaqla 7 nəfər həlak olub. Hücumda 6 Suriya vətəndaşının həyatını itirdiyi də bildirilib.
Gülay
