Balakən rayon polis şöbəsinin əməkdaşları tərəfindən oğurluqla məşğul olan rayon sakinləri saxlanılıb. Polis şöbəsindən verilən məlumata görə, fermer təsərrüfatı ilə məşğul olan Rafael Salmanov rayon polis şöbəsinə müraciət edərək ona məxsus xırda buynuzlu heyvanların şəxsi fermasından oğurlandığını bildirib.Müraciətlə bağlı PŞ-də yaradılan axtarış-əməliyyat qrupunun keçirdiyi əməliyyat tədbirləri zamanı Rəfael Salmanovun xırda buynuzlu heyvanlarını onun həmkəndliləri - 1972-ci il təvəllüdlü Əli Şirinov və 1987-ci il təvəllüdlü Abdulla Taşqayevin oğurladığı müəyyən edilib.
