ABŞ-da prezident seçkisinin keçirildiyi 2008-ci ildə gənc, enerjili və ölkə üçün islahatlar vəd edən sözləri ilə seçicilərin qarşısına çıxan Barak Obamanın ötən 4 il ərzində xeyli yaşlandığı bildirilib. “Cihan”ın məlumatına görə, Yaxın Şərq, Çin və Rusiya ilə münasibətlərlə Avropaya bağlı iqtisadi sıxıntılar 51 yaşlı prezidentdə qocalmanın aşkar əlamətlərini yaradıb. Qeyd edək ki, növbəti seçkinin də qalibi olan Obamanın qarşıda daha böyük çətinliklərə məruz qalacağı gözlənilir. Mütəxəssislər saçı çallaşan, gözünün altı şişən, üzündə qırışları çoxalan Barak Obamanın psixoloji təsirlər səbəbindən də erkən yaşlandığını vurğulayıb.Barak Obamada meydana gələn bu dəyişiklik 2009-cu il və keçən ay çəkilən 2 foto şəkildə də açıq görünür.
