Çempionlar Liqasının qrup mərhələsi çərçivəsində az öncə başa çatmış "Benfika" - "Barselona" matçında xoşagəlməz hadisə yaşanıb.
Qol.Az-ın məlumatına görə, matçın 77-ci dəqiqəsində "Barselona"nın kapitanı Karles Puyol yenidən zədələnərək sıradan çıxıb.
Rəqibi ilə mübarizədə qolu üstə yerə düşən Puyol uzun müddət əlini tərpədə bilməyib. Sınıq ehtimalı ilə yaxınlıqdakı xəstəxanaya çatdırılan futbolçunun dirsəyinin çıxdığı aşkar olunub. Bununla belə,Puyolun hansı müddətə yaşıl meydanlardan uzaq qalacağı məlum deyil.
Qeyd edək ki, "Benfika" - "Barselona" oyunu 2:0 hesabı ilə Kataloniya təmsilçisinin xeyrinə başa çatıb.
