Çempionlar Liqasında 1/4 final mərhələsinin ilk iki oyunu keçirilib. Apasport.az saytının məlumatına görə, hər iki qarşılaşmada meydan sahibləri qələbə qazanıblar.
İki gün öncə “El Klasiko”da “Real”a məğlub olan və bununla da 39 oyunluq seriyası qırılan “Barselona” bu dəfə paytaxtın digər təmsilçisi “Atletiko”nu qəbul edib. Matçın gedişində hesabda geri düşən Luis Enrikenin yetirmələri hissəni minimal hesabla yenik başa vurub. Lakin ikinci yarıda toparlanan və özünə gələn katalonlarLuis Suaresin iki qolu ilə vəziyyəti öz xeyirlərinə dəyişə biliblər.
Turnirin əsas favoritlərindən olan “Bavariya” isə 1/4 finalın ən zəifi sayılan “Benfika”nı sınağa çəkib. Bu dueldə almanların şansı daha yüksək qiymətləndirilsə də, bu, hesabda əksini tapmayıb. Belə ki, ikinci dəqiqədə Arturo Vidalın qolu ilə hesabı açan almanlar sonradan bunun ardını gətirə bilməyiblər. Bütün cəhdlərə baxmayaraq, 90 dəqiqə ərxində başa qol olmayıb.
Çempionlar Liqası
1/4 final mərhələsi, ilk oyunlar
5 aprel
“Barselona” (İspaniya) – “Atletiko” (İspaniya) - 2:1
Qollar:Suares, 63, 75 - Fernando Torres, 26
Hakimlər: Feliks Brix, Mark Börş, Stefan Lupp, Marko Açmüller
Əlavə köməkçi hakimlər: Bastian Dankert, Marko Frits (hamısı Almaniya)
Barselona. “Nou Kamp” stadionu
“Barselona”:Ter Ştegen, Cerard Pike, Xavier Masçerano, Dani Alves, Xordi Alba, İvan Rakitiç, Andreas İnyesta, Serxio Busqests, Lionel Messi, Neymar, Luis Suarez
Ehtiyat oyunçular: Bravo, Arda Turan, Rafinya, Bartra, El Haddadi, Serxi Roberto, Vermalen
“Atletiko”:Yan Oblak, Xuanfran, Dieqo Qodin, Lukas, Filipe Luis, Gabi, Saul, Koke, Karrasko, Antonio Qrizman, Fernando Torres
Ehtiyat oyunçular:Moya, Kranevitter, Fernandes, Korrea, Qames, Partey, Vietto
“Bavariya” (Almaniya) – “Benfika” (Portuqaliya) - 1:0
Qol:Vidal, 2
Hakimlər: Şimon Marçinyak, Pavel Sokolniçki, Tomaş Listkieviç, Radoslav Sieyka
Əlavə köməkçi hakimlər: Pavel Raçzkovski, Tomaş Musial (hamısı Polşa)
Münhen. “Allianz Arena”
“Bavariya”:Noyer, Tiaqo Alkantara, Riberi, Levandovski, Duqlas Kosta, Bernat, Lam, Vidal, Müller, Alaba, Kimmix
Ehtiyat oyunçular:Ulrix, Xavi Martinez, Rafinya, Xabi Alonso, Götze, Rode, Koman
“Benfika”:Ederson, Fejsa, Qaytan, Mitroğlu, Lindelöf, Yonas, Eliseu, Pizzi, Jardel, Andre Almeyda, Renato Sançes
