İspaniyanın "Barselona” klubunun rəhbərliyi İtaliyanın "Napoli” klubunun gürcüstanlı yarımmüdafiəçisi Xviçi Kvaratsxeliyanın transferi üçün ayırmağa hazır olduğu məbləğlə bağlı qərar verib.
Mənbənin sözlərinə görə, Xviçinin transferi klubun prioritetlərindən biridir. Onun Kataloniya komandasının hücum oyununu gücləndirə biləcəyi gözlənilir. "Barselona” 23 yaşlı futbolçu üçün 90-100 milyon avro təklif etməyə hazırdır. Eyni zamanda, nüfuzlu "Transfermarkt” portalı onu 80 milyon avro qiymətləndirir.
Qeyd edək ki, "Barselona” Çempionlar Liqasının 1/8 finalında məhz "Napoli” ilə oynamalı olacaq. İlk oyun çərşənbə günü, fevralın 21-də keçiriləcək və Bakı vaxtı ilə saat 00:00-da başlayacaq. Cavab oyunu martın 12-nə təyin edilib.
