Sentyabrın 1-də Azərbaycanda növbədənkənar parlament seçkiləri keçiriləcək. Artıq partiyalar və ayrı-ayrı şəxslər seçkilərdə iştirakları ilə bağlı məlumat veriblər.
Bitərəf deputatlardan Bəhruz Məhərrəmov yenidən namizədliyini irəli sürüb.
O, Modern.az-a açıqlamasında bildirib ki,o, VII çağırış parlament seçkilərində iştirak edəcək. Deputat iştirak edəcəyi seçki dairəsini də açıqlayıb: "Bəli, seçkilərdə iştirak edəcəm. 7-ci çağırış Milli Məclisin Deputatlığına namizədliyimin irəli sürülməsinin təsdiqlənməsi üçün müvafiq sənədləri artıq 69 saylı Biləsuvar seçki dairəsinə təqdim etmişik".
Qeyd edək ki, 69 saylı Biləsuvar seçki dairəsindən hakim Yeni Azərbaycan Partiyasının namizədi Elməddin Əliyevdir.
