Lənkəranın "Xəzər" klubu "Makkabi" Təl-Əvivi mübarizədən kənarlaşdıracağı halda “Zelezniçar” (Bosniya və Herseqovina) – “Şerif” (Moldova) cütünün qalibi ilə görüşəcək. Farer adalarının "Streymur" komandası ilə mübarizə aparan "Qarabağ" isə növbəti mərhələyə adlayarsa, Belçikanın "Brügge" klubuna rəqib olacaq. Maraqlıdır ki, "Qarabağ" - "Streymur" cütlüyünün taleyi həll olunmasa da, belçikalılar ağdamlıları növbəti mərhələdə görür. Belə ki klubun rəsmi internet səhifəsində "Brüggenin" oyun təqvimində "Qarabağ"ın adı yer alıb.
Qeyd edək ki, 3-cü mərhələnin oyunları iyulun 28-i və avqustun 4-də keçiriləcək.
