Dünyaca məşhur top model Bella Hadid sosial şəbəkə paylaşımı ilə diqqət çəkib.
AZXEBER.COM Qərb mediasına istinadən xəbər verir ki, 25 yaşlı məşhur model son bir neçə ildə demək olar ki, "hər gün" və "hər gecə" ağladığını açıqlayıb.
Bella Hadid "Instagram” hesabından paylaşımı ilə hər kəsi təəccübləndirməyi bacarıb. Göz yaşları içində sosial şəbəkə hesabından bir neçə foto paylaşan model sosial şəbəkənin real həyat olmadığını izləyicilərinə xatırladıb.
İnstaqramda 47 milyondan çox izləyicisi olan Bella Hadid Will Smith-in problemlərini açıqladığı videonun altına "Səni və sözlərini sevirəm” yazdıqdan sonra ağlı və həyatı ilə bağlı gerçəkləri bu cümlələrlə izah edib:
"İnsanlar unudurlar ki, hər kəs əsasən eyni hisslər keçirir: itirilmiş, çaşqın, niyə burada olduqlarına tam əmin deyillər. Bu narahatlıqdır, hamı bunu hiss edir və birtəhər onu ört-basdır etməyə çalışır. Biz qüsurlarımızda bir araya gələcəyik. Güvənsizliyimizdə, sevincimizdə, xoşbəxtliyimizdə hər şeyi gözəl və təbii qəbul edək. Hər şey göründüyü kimi deyil. Biz yaxşı olacağıq."
Ayşən Mirzəyeva
