Berluskoni məşhur teleaparıcıya bir gecəlik nə qədər pul verdi?

MARAQLI

10:27 25.01.2011

2138

İtaliyanın baş naziri Silvio Berluskoni ilə bağlı seks qalmaqalları bitib-tükənmək bilmir. Məlum olub ki, İtaliya hüquq-mühafizə orqanları onun əslən mərakeşli azyaşlı rəqqasə ilə intim əlaqədə olması faktını araşdırdığı bir vaxta baş nazir məşhur teleaparıcını öz məşhur villasında qonaq edib və ona 10 min avro ödəyib. Xəbərlərə görə, bu fakt Berluskoni ilə bağlı araşdırma aparan prokurorlar tərəfindən baş nazirin bank sənədlərinə baxış zamanı üzə çıxıb. Məlum olub ki, Berluskoni cəmi bir həftə əvvəl teleaparıcı Alessandra Sorçinelliyə görüş üçün 10 min avro ödəyib.

“The Daily Mail” qəzeti yazır ki, Berluskoninin Sorçinello ilə əlaqələri 2010-cu ildə başlayıb. Baş nazir ona ayda 8500 avro ödəyirmiş. İtaliya xüsusi xidmət orqanları teleaparıcının Berluskoninin köməkçisinə göndərdiyi bu SMS-i ələ keçirib: “Mən təcili olaraq sizə 10 min avroluq bank köçürməsi barədə müraciət edə bilərəmmi?” Xüsusi xidmət orqanları həmçinin Berluskoninin hesabı olan bankdan teleaparıcının hesabına pulların köçürüldüyünə dair dəlilləri də ələ keçiriblər. Pullar faizsiz ssuda şəklində rəsmiləşdirilib. Teleaparıcı isə təsdiq edib ki, Berluskoni ilə intim əlaqədə olub, lakin buna görə ondan pul almayıb. Sorçinelli deyib ki, baş nazir onun 5 yaşlı qızının müalicəsinə kömək etdiyi üçün minnətdarlığını bu cür çatdırıb.
Bu arada məlum olub ki, Berluskoninin hərəmxanasına daxil olan 14 qadın Milanın elit yaşayış kompleksi Olqettinadan köçürülüb. Buna səbəb qonşuların şikayətləri olub. Bildirilir ki, Berluskoni qadınların ona məxsus malikanələrdə pulsuz yaşamasını təmin edib, özü isə vaxtaşırı olaraq ora baş çəkərək əylənib. Köçürülənlər arasında 30 yaşlı teleulduz Barbara Querra və 27 yaşlı Maristel Qarsiya da var. Onların adları prokurorluğun Berluskoniyə qaldırdığı cinayət işinin materialları arasında keçir. Qeyd edək ki, Berluskoni ilə bağlı seks qalmaqalları artıq Vatikanı da narahat edib. Ötən həftə Roma Papası XVI Benedikt siyasi liderlərin bu cür davranışlarını pisləyən bəyanat yayıb. Lakin italiyalılar baş nazirlərinin 73 yaşında bu cür pleyboyluqla məşğul olmasından narazı görünmürlər. Rəy sorğuları göstərir ki, seks qalmaqalları Berluskoninin reytinqinə təsir etməyib. Əksinə, onun reytinqi daha da artıb. Baş nazir onun barəsində irəli sürülən ittihamlarla bağlı ifadə verməkdən imtina edir. Məhkəmə isə gələn ay başlaya bilər.