II “İBA Cup” U-14 beynəlxalq futbol turniri başa çatıb.
İyunun 17-da Bakıda start götürən Azərbaycan Beynəlxalq Bankının Kuboku uğrunda II “İBA Cup” U-14 yeniyetmələr arasında beynəlxalq futbol turniri bu gün başa çatıb. Apasport.az saytının məlumatına görə, “Şəfa” stadionunda keçirilən turnirin finalında Türkiyənin "Beşiktaş" və İspaniyanın "Vilyarreal" komandaları üzləşib. Gərgin mübarizə şəraitində keçən matçda Türkiyə təmsilçisi 2:1 hesabıyla qalib gələrək, çempion olub. Oyundan sonra keçirilən mükafatlandırılmada iştirak edən AFFA-nın baş katibi Elxan Məmmədov turnirin ənənəvi xarakter almasını alqışlayaraq, belə yarışların keçirilməsinin əhəmiyyətli olduğunu bildirib. Sonra Azərbaycanın tanınmış futbol veteranları və "İnter"in vitse-prezidenti Müzəffər Novruzəliyev turnir iştirakçılarına medal və diplomları təqdim ediblər.
