"Fənərbağça"nın yeni transferi Anderson Taliska keçmiş klubu "Beşiktaş" və hazırkı komandası haqqında danışıb.
AZXEBER.COM xəbər verir ki, braziliyalı oyunçu Türkiyə mətbuatına verdiyi açıqlamada "Beşiktaş"ın karyerasında xüsusi yeri olduğunu vurğulasa da, hazırda "Fənərbağça" üçün ən yaxşısını etməyə çalışdığını bildirib:
"Beşiktaş karyeramda xüsusi klubdur. Azarkeşlər və oradakı insanlar hər zaman qəlbimdədilər. Amma hazırda buradayam və "Fənərbağça"ya kömək etməyə çalışıram. "Beşiktaş"da oynayanda ən yaxşı performansımı göstərmək istəyirdim. İndi də buradayam və burada da əlimdən gələni edəcəyəm".
Qeyd edək ki, Anderson Taliska 2016–2018-ci illərdə "Beşiktaş"ın formasını geyinib və komanda ilə Super Liqa çempionu olub.
Zəfər Hacılı
