135 ölkədən 1550 şagirdin iştirak etdiyi 10-cu Türkcə Olimpiadaları dünən İstanbulda keçirilən möhtəşəm şölənlə başlayıb. Dilləri, dinləri, rəngləri və mədəniyyətləri bir-birindən fərqli olsa da türkcə danışan, oxuyan minlərlə uşaq Türkcə Olimpiadalarında bir araya gəlib. Şagirdlərdən ibarət xor əvvəlcə olimpiadanın bu ilki şüarı olan "İnsanlıq əl-ələ, bayram o bayram olar" mahnısını ifadə edib. Azərbaycanlı Səma Sultanovanın səsləndirdiyi "Əziz İstanbul" şeiri böyük rəğbətlə dinlənilib. İndoneziyalı şagirdin ifa etdiyi "Ötmə bülbül" mahnısı isə salonu coşdurub. Tədbirdə xalq rəqsləri də böyük alqış alıb. Təhsil naziri Ömər Dinçər türkcənin yayılması üçün ciddi səylər göstərdiklərini söyləyib.
