"Bəzən bir mahnı, bir səssizlik, bir qoxu sanki səni yenidən yanıma gətirir"

 

AZXEBER.COM xəbər verir ki, bu sözləri sosial şəbəkədə Əməkdar artist Dilarə Əliyeva yazıb.

 

O, mərhum həyat yoldaşı Oqtay Əliyevin ad günü olduğunu bildirərək onu belə xatırlayıb:

 

"Bu gün sənin doğum günündür.. Sən bu dünyadan köçmüsən, amma hər gün,hər an bizimlə yaşayırsan. Vaxt keçir, illər ötür, amma yoxluğun heç vaxt vərdiş etdiyimiz bir şey olmur. Sənin səsin, baxışların, zarafatların...hamısı yaddaşımda canlıdır. Bəzən bir mahnı, bir səssizlik, bir qoxu sanki səni yenidən yanıma gətirir. Sənin varlığın həyatımın ən dəyərli parçalarından biri idi - indi ise xatirələrinlə nəfəs alıram. Qəlbimdə daim bir yerin var və orada həmişə gülümsəyirsən. Ad günün mübarək, Oqtay. Ruhun sad olsun. Bil ki, səni unutmuram. Unuda bilmərəm..."

 

Qeyd edək ki, Oqtay Əliyev 22 mart 2023-cü ildə 54 yaşında yol qəzasında dünyasını dəyişib.