Bu fikirləri Azərbaycan Demokratik Maarifçilik Partiyasının sədri Elşən Musayev AZXEBER.COM-a verdiyi eksklüziv açıqlamasında bildirib:
“Bilirsiniz, qərar tutduğumuz siyasi məkanda hər birimizin üzərinə düşən zəruri öhdəlik, eyni zamanda qət edilən bəlli bir yol var. Və hər kəs bu öhdəliyə, bu yola həm də öz doğrularını, öz həqiqətlərini, öz meyarlarını qataraq, əlavə edərək, pərçimləyərək davam edir. Elə fərqlilik də buradan başlayır : Biriləri, özünü heç cür doğrulda bilmir, nadanlıq kursunu - sərgilədiyi fəaliyyət üçün prioritet seçir, dövlətə, dövlətçiliyə ziyan gətirmək, iqtidara qarşı basqıları , kütləvi etirazları artırmaq üçün sanki mümkün olan hər şeyı edir, əlindən gələn bütün pislikləri ortaya qoyur.! Öz balalarını eynən möhtərəm Prezidentin qeyd etdiyi təki harın, qudurğan böyüdür. Digərləri isə mənəvi dünyalarına söykənib, köklənib sona qədər vuruşur. Bəzənsə həmin o harın məmurların da günahlarını, elədikləri qələtləri kompensasiya etmək zorunda qalır.
Çətinlik, məziyyət, mənəvi iztirab, ağrılı tərəf də bundadır, burdadır! İnsanları əsl reallıqlara inandırmaq olmur, ən yüksək istedadın, gücün, mənəviyyatın daşıyıcısı olsan belə, bu cür məmurların fəaliyyətinin fonunda öz fikrini diqtə etməkdə çətinlik çəkirsən!
Oysa ki, Azərbaycan Prezidentinin yürütmüş olduğu doğru siyasətə, Azərbaycan dövlətçiliyinə bu cür xidmət etmək olmaz! Birmənalı şəkildə olmaz!
Mənim Prezidentim ləyaqətli insandır. Mənim Prezidentim kişi adamdır! Onun ətradında olan hər kəs də bu ləyaqətdən və kişilikdən pay almağa, görk götürməyə borcludur! İstəsə də, istəməsə də borcludur!”
Bu ölkədə Heydər Əliyevin bizlərə miras qoyduğu Azərbaycançılıq yoluna sadıq qalan, tutduğu vəzifənin, oturduğu kreslonun məsuliyyətini dərk edən hər nə qədər məmur varsa, onların hər birinin qarşısında baş əyirəm! Həm də bütün səmimiyyətimlə!
Amma hər kim ki, bu yoldan sapıb və mövcud hakimiyyət haqqda illərdir formalaşmış olan müsbət fikirləri mənəvi aşınma istiqamətinə yönəldir, müxalif fikirlərin artmasını, qarşı tərəfin güclənməsini təmin edir, bilsinlər ki, bizdən deyil onlar! Heç bir zaman da olmadılar və olmayacaqlar! “
