AZXEBER.COM xəbər verir ki, MTV-də yayımlanan "Ümid ilə gəl” verilişinin aparıcısı bu məsələ ilə bağlı açıqlama verib.
Tarix Əliyev deyib ki, Məhəmmədi xəstəxanadan o çıxarmır, qanun buna icazə vermir:
"Mənim heç bir ixtiyarım yoxdur ki, dövlətin müəssisəsinə gedib hər hansısa bir nəfəri oradan çıxarım. Bəzi jurnalistlər yazır ki, Məhəmmədi mən oradan çıxarmışam. Amma anlamırlar ki, Psixiatriya Xəstəxanasından kimisə kiminsə arzusu və ya xahişi ilə çıxarmaq olmaz. Onu xəstəxanadan qardaşı Əli çıxarıb, mən isə sadəcə yanlarında olmuşam”.
Verilişdə qonaq olan Azərbaycan Mətbuat Şurasının İdarə Heyətinin üzvü Hacıbəy Heydərli də sözügedən hadisə ilə bağlı fikirlərini səsləndirib:
"Tarix Əliyevin gedib Məhəmməd ilə həmin xəstəxanada video çəkib paylaşması həm sosial şəbəkələrdə, həm də jurnalistlər arasında çox danışıldı, bəzi jurnalistlər bu hadisəyə bir az qısqanc münasibət bəslədilər. Əslində isə bu Azərbaycan televiziyalarının, mətbuatının bir uğuru idi ki, cəmiyyət üçün sual altında olan məsələlər Tarixin sayəsində hər kəsə məlum oldu. Bəzi jurnalistlər bildirirlər ki, "nəyə görə bizi yox, Toliki içəri buraxırlar?”. O sual mənə də maraqlı idi. Mən Məhəmmədin qardaşı Əlidən bunun cavabını soruşdum. O dedi ki, mən özüm xahiş etmişəm ki, xəstəxanaya gedəndə Tolik də mənim yanımda olsun. Bu, Əlinin öz xahişi idi. Kimsəsiz bir uşağa belə kömək edilirsə, həmin adama dəstək olmaq lazımdır, tənqid etmək yox. Bu məsələdə dövlət qurumları aktiv olmalı idi. Onlar da Məhəmmədə dəstək olmalıdırlar".
Qeyd edək ki, prodüser Tarix Əliyevin Məhəmmədlə Psixiatriya Xəstəxanasında video çəkməsi birmənalı qarşılanmamışdı.
Ayşən
