Bakı şəhərində sanitar-təmizlik aylığının keçirilməsi haqqında Bakı Şəhər İcra Hakimiyyətinin tapşırığına əsasən yaz-yay mövsümünün başlanması ilə əlaqədar rayonun sanitar-təmizliyini təmin etmək, abadlıq və yaşıllıqları qoruyub saxlamaq və yaxşılaşdırmaq məqsədilə Binəqədi Rayon İcra Hakimiyyəti başçısının müvafiq saylı Sərəncamı ilə "Rayonumuzu Təmiz Saxlayaq” layihəsinin keçirilməsi ilə bağlı tədbirlər keçirilib.
AZXEBER.COM xəbər verir ki, plana uyğun olaraq növbəti tədbir Binəqədi rayonu 3 nömrəli tam orta məktəbdə təşkil edilib.
Rayon ərazisində fəaliyyət göstərən İctimai Birliklərin və Məktəbəqədər təhsil müəsissələrinin iştirakı ilə tədbirlər planının 1.6-cı bəndinin "Rayonumuzu Təmiz Saxlayaq” layihəsi barədə treninq və seminarların keçirilməsi, söhbətlərin aparılması, məlumatların verilməsi və 4.4-cü bəndinin icrası ilə əlaqədar "Tullantıdan sənətə” sərgisi təşkil edilib.
