Bir-birindən xəbərsiz 7 qadınla evlənən kişinin 4-cü arvadı danışdı

İmam nikahıyla 7 qadınla evlənən kişinin dördüncü arvadı Türkiyə mətbuatına danışıb.

 

AZXEBER.COM xəbər verir ki, 41 yaşındaki Ömər Sırtaş, imam nikahıyla 7 qadınla evlənib.

 

7 qadından 5 uşağı olan Ömər illərlə bir-birindən xəbərsiz olan arvadları ilə yaşayıb.

 

Qaynananın Ömərə zəng vurarkən telefona başqa bir qadının cavab verməsi bütün sirlərin üstünü açıb. Dedektiv kimi ərinin əlaqələrini araşdıran həyat yoldaşı Ömərin bütün oyunlarını pozub.

 

Sevgi adlı qadın Ömərin yalanlarıyla keçən illərindən danışıb :Ömərlə 2012-ci ildə rəfiqələrimlə getdiyim bir restoranda tanış olmuşdum. Məndən heç əl çəkmədi, 6 ay arxamca gəldi. Bütün günü evimin ətrafında gəzirdi. Mənə üç dəfə evli olub ayrıldığını, artıq sağlam bir ailəsinin olmasının istədiyini dedi. Anam ev xanımı, atam müəllimdir demişdi. Lakin çox sonradan atasının imam olduğunu öyrəndim.

 

Evlənmək istədiyini ancaq rəsmi nikahla boşanmadığı üçün hələ evlənə bilmədiyini demişdi. Halbuki subay imiş. Məndə evliliyə can atdığım görə imam nikahıyla ailə qurmağa razı oldum. Daha sonra bir övladımızda dünyaya gəldi. Ferma işi ilə məşqul olduğu üçün, heyvan almaq bəhanəsi ilə həftənin altı günü evdə olmurdu. Ömərin oyunlarını anam sayəsində öyrəndim. O, anamdan borca pul almışdı. Bir gün Ömərə borcu qaytarması üçün zəng vurarkən telefona digər arvadı cavab verdi. O, Ömərlə evli olduğunu və bir qızının olduğunu dedi. Elə həmin qadınla əl-ələ verib bütün olanları araşdırdıq.

Həqiqətən də yeddi arvadı olduğunu öyrəndik. Bunların arasında bizə inanmayanlar da, qarğış edənlər də oldu. Belə bir adamla evli olduğum üçün, oğlumun atası o olduğu üçün çox utanıram. Mənim kimi bu həyatı başqa yerlərdə başqa kişilərdən yaşayan qadınlara səslənirəm. Mən qorxmadım və susmadım. Siz də susmayın".

Mələk Cabbar