"Müvəffəqiyyət qazanan hər bir kişinin arxasında ağıllı bir qadın dayanır. Dünya yaranandan bu cür olub".
AZXEBER.COM xəbər verir ki, bu sözləri meyxanaçı Orxan Əzimov (Lökbatanlı) "Space TV"- də "Evimin qonaqları" verilişində deyib.
Meyxanaçı həqiqi sevgilərdən danışıb:
"Qadın incə məxluqdur, zəifdir. Qəlbi həssas olur. Amma bir çox məqamlarda mənəvi cəhətdən kişilərdən çox güclü və dözümlü olurlar. Bəzi hallar var ki, kişilər onlara tab gətirə bilmirlər. Amma qadın dözür və çətinliklə barışa bilir, mübarizə aparır. Onların ən çox ehtiyacı olan şey qayğıdır. Zaman, dövran dəyişsə də, bu dəyişmir. Bir qadına olan hissin tükənirsə, bu bağlılıqdır. Çünki həqiqi sevgi heç vaxt bitmir. Həqiqi sevgidə həsrət olanda o daha da böyüyür. Çünki sevginin ən gözəl tərəfi həsrət çəkməkdir".
Aysel
