Artıq neçə gündür ki, Azərbaycan Ordusu bütün cəbhə boyu uğurlu əks-hücum əməliyyatları həyata keçirir və düşmənə sarsıdıcı zərbələr endirir.
Cəbhə bölgəsindən qələbə xəbərləri almaqdayıq.
İşğal olunmuş torpaqlarımızın azad olunması uğrunda gedən döyüşlərdə ordumuza dəstək olmaq naminə ölkəmizdə fəaliyyət göstərən bir neçə sahibkarlıq subyekti Azərbaycan Ordusuna yardım ediblər.
Qəbələ fəaliyyət gösətərn "Fortuna Resort Qəbələ" oteli, "Chef Dönər" və "Sushi Chef Azərbaycan" restoranlar şəbəkəsi 01.10.2020-ci tarixindən bütün gəlirlərini Silahlı Qüvvələrə Yardım Fonduna göndərəcəklərini açıqlayıblar. Sözügedən şirkətlər yaxın günlərdə müəyyən bir məbləqlə fonda yenidən yardım edəcəklərini açıqlayıblar.
Xatırladaq ki, Silahlı Qüvvələrə Yardım Fondu Azərbaycan Respublikası Prezidentinin 2002-ci il 17 avqust tarixli 755 nömrəli Fərmanı ilə yaradılıb.
Fondun əsas maliyyə mənbəyi hüquqi və fiziki şəxslərdən könüllülük əsasında daxil olan vəsaitdir.
