“Azərbaycan müstəqil dövlətdir və yürütdüyü müstəqil siyasət bir çox dövlətləri narahat edir. ABŞ-da keçirilən dinləmələrin birtərəfli qaydada keçirilməsi Amerika-Azərbaycan münasibətlərini daha da yaxşılaşdırmaq maraqlarına xidmət etmir. Biz həmin dinləmələri Amerika dövlətinin marağı kimi qəbul etmirik. Belə debatlar, polemiakalar, dialoqlar ola bilər. Bizi düşündürən odur ki, həmin tədbirlərə qatılan insanlar Azərbaycan gerçəkliyini real vəziyyətdə söyləmək imkanında olan şəxslər deyil”.
Bu fikirləri AZXEBER.COM-a millət vəkili Zahid Oruc parlamentdə “Azərbaycan-ABŞ münasibətləri: insan hüquqları, enerji və təhlükəsizlik məsələləri kontekstində" mövzusunda keçirilən müzakirəni şərh edərkən söyləyib.
“Biz Amerika-Azərbaycan münasibətlərinin ötən 20 ilinə baxsaq görərik ki, bu əlaqələr yüksək səviyyədə inkişaf edib və hər iki tərəfin maraqlarına xidmət edib. Lakin Barak Obama dönəmində bəzi sahələrdə problemlər ortaya çıxıb. Enerji sahəsində, antiterror əməliyyatları, bir sıra beynəlxalq təhlükəsizlik məsələlərində vahid mövqe bölüşürük. İki-üç məsələ ətrafında anlaşızmazlıqlar var bə biz bunu açıq çəkildə Amerika hökumətinin rəhbərliyinə çatdırırıq. Ümid ediərm ki, ABŞ-ın Azərbaycana yeni təyin olunmuş səfiri tərəfindən özündən əvvəlki sələflərinin yol verdiyi səhvlər aradan qaldırılacaq. Azərbaycanın gözləntiləri çox sadədir. Ölkəmiz haqqında obyektiv informasilayar verilsin, Azərbaycanda gedən inkişaf prosesləri düzgün təqdim edilsin. Bir ovuc QHT strukturunu himayə etməklə Azərbaycanda mənzərə təqdim olunmasın, bir radionun efirindən Azərbaycanda demokratiya quruculuğuna qiymət verilməsin. Həmçinin, Azərbaycan-Amerika münasibətlərinin daha geniş çərçivədə - ölkəmizin gələcəyinə təsir edəcək münaqişələrin həlli problemində, ərazi bütövlüyünün tanınması məsələsində Amerikanın prinsipial mövqeyinin şahidi olaq. Bunlara riayət olunacaqsa, anlaşılmazlıq, narahatlıq doğuran məsələlər də aradan qalxacaq”.
Xatırladaq ki, Milli Məclisdə “Azərbaycan-ABŞ münasibətləri: insan hüquqları, enerji və təhlükəsizlik məsələləri kontekstində" mövzusunda dinləmə keçirilib. Müzakirədə iki ölkə arasında olan münasibətlərin bir çox aspektləri ətrafında fikir mübadiləsi aparılıb.
Orxan
