“Biz bərabərik – Gözdən əlil insanlara dəstək” adlı layihə keçiriləcək
GƏNCLİK
13:15 29.05.2014
2062
Azərbaycan Respublikasının Prezidenti yanında Gənclər Fondunun maliyyə dəstəyi ilə elan etdiyi C kateqoriyası üzrə “Biz bərabərik – Gözdən əlil insanlara dəstək” adlı layihə həyata keçiriləcək.Layihə çərçivəsində gözdən əlil insanlara dəstək məqsədi ilə hazırlanmış sosial çarxın təqdimat mərasimi 31 may tarixində, saat 11:00-da “Mont İNN” Hotelində baş tutacaq.Layihənin əsas məqsədi görmək qabiliyyətindən məhrum olan insanlara dəstək olmaq, onlara daha yaxın olaraq qayğı və həyatda tək olmadıqlarını nümayiş etdirməkdir.Eyni zamanda çəkilmiş sosial çarx bu sahənin vacibliyini gənclərə çatdırmaq, təbliğat işlərinin aparılması, əhalinin məlumatlandırılması və maarifləndirilməsi, diqqətin artırılması, fiziki qüsuru olan insanlar üçün yaradılmış və yaradılacaq şəraitdən əhalini məlumatlandırmaq vəzifələrini daşıyır.
