“60 nəfər azərbaycanlı adbaad gəlib Ordunun tərkibində döyüşmək istəyirlər”
Rusiyanın Komi respublikası üzrə Azərbaycan diasporasının sədri Həsən Qasımov bəyanat yayıb.
Diaspora sədri son günlər cəbhədə baş verən dəhşətli hadisələrlə əlaqədar öz təəssüf və narahatlığını bildirib. Bəyanatda qeyd olunur ki, son günlər Azərbaycan və Ermənistan silahlı qüvvələrinin təmas xəttində Ermənistan tərəfindən atəşkəsin mütəmadi olaraq pozulmasından Komidə yaşayan azərbaycanlılar dərin narahatlıq duyur.
“Biz Komi Respublikası üzrə “Azərbaycan” cəmiyyəti olaraq Azərbaycan –Ermənistan sərhədində baş verən hadisələri diqqətlə izləyir və dərin narahatlıq hissi keçiririk. Vətənimiz uğrunda şəhid olan bütün əsgərlərimizin ailələriə baş sağlığı veririk. Minlərlə azərbaycanlı həm mənəvi, həm əməli olaraq öz dəstəyi verməyə hazırdır. Biz hər zaman ölkə prezidenti və azərbaycan xalqının yanındayıq ! ”-deyə Həsən Qasımov bildirib.
Xatırladaq ki, dünən Komi Respublikasında yaşayan azərbaycanlılar da Müdafiə Nazirliyinə müraciət edib orduya çağırılmalarını istəyiblər.
“Rusiyanın Komi Respublikasının Uxta şəhərindən bizə zəng edib deyirlər ki, 60 nəfər azərbaycanlı adbaad gəlib Ordunun tərkibində döyüşmək istəyirlər.”-deyə Müdafiə Nazirliyinin sözçücü məlumat verib.
Qeyd edək ki, Komi Respublikasında Azərbaycan diasporası 17 ildir ki fəaliyyət göstərir.
