O Prezident İlham Əliyevin AŞPA-nın sessiyasındakı çıxışı ilə bağlı danışıb:
"Məhz bütün bunlara görə də Azərbaycan gəncliyi haqlı olaraq ölkə prezidenti cənab İlham Əliyevlə fəxr edir və qürur duyur. Cənab prezidentimizin son olaraq Avropa Şurası Parlament Assambleyasının sessiyasında qətiyyətli çıxışı isə bu hissi bizlərdə daha da artırmaqla, ölkə prezidentinin xalqına arxalanaraq addım atdığını bir daha göstərmiş oldu.
Prezident İlham Əliyevin AŞPA-nın sessiya iclasında çıxışı Azərbaycanın müstəqil dövlət olaraq müstəqil siyasət yürütdüyünü və bu siyasətin hüquqa, ədalətə, xalqın dəstəyinə söykənmiş olduğunu təsdiq etdi. Cənab Prezidentimiz öz çıxışında xüsusi olaraq ölkəmizin ərazi bütövlüyü və suverenliyi ilə bağlı məqamlara daha çox yer ayırması xalqımızda bir daha o əminliyi artırdı ki, 20 ildən artıqdır ki, ölkəmizə qarşı aparılan müharibə ölkəmizin ərazi bütövlüyünün bərpa olunması ilə başa çatacaqdır. Biz prezidentimizə inanırıq və bütün bu məsələlərdə cənab prezidentimizin cəsarətli mövqeyini dəstəkləyirik".AZXEBER.COM
