"Mənim İsrailə səfərim zamanı bəzi mollaların ayrı-ayrı bəyanatlarını nəzərə almasaq, bizim İranla problemimiz yoxdur".

ANS PRESS-in məlumatına görə, bunu Azərbaycanın xarici işlər naziri Elmar Məmmədyarov "Nezavisimoya Qazeta" ya verdiyi müsahibəsində deyib. Azərbaycanın həmişə öz milli maraqlarına uyğun siyasət yürütdüyünü deyən XİN başçısı bütün qonşularla müəyyən çətinliklərin olduğunu, amma ümumi dil tapa bildiklərini qeyd edib. “Məsələn, bu günlərdə Tehranda saxlanılan Azərbaycan vətəndaşları azadlığa buraxılıblar", Məmmədyarov əlavə edib.

İranlı həmkarı Əli Əkbər Salehi ilə telefon danışığını açıqlayan Elmar Məmmədyarov Əli Əkbər Salehinin onu Tehran Konfransına dəvət etdiyini deyib. “Təəssüf ki, mən İrana gedə bilmədim. Amma Əli Əkbər Salehi prezident seçkilərindən öncə Azərbaycana gəlmək istəyir”, - XİN başçısı deyib.