AZXEBER.COM-un verdiyi xəbərə görə, iPhone smartfonları və Android əməliyyat sistemi ilə çalışan telefonların populyarlığı artdıqca Kanadanın Research in Motion şirkətinin istehsal etdiyi BlackBerry smartfonlarının satışı azalır.
Xatırladaq ki, RİM korporasiyasının təsisçisi Cim Balsilli 2007-ci ildə iPhone satışa çıxarılanda özünə güvənərək bəyan etmişdir ki, istifadəçilərə mobil telefonda yalnız elektron poçt gərəkdir. Zaman onun nə qədər səhv mövqe tutduğunu sübut etdi.
Belə ki, Balsillin rəhbərlik etdiyi şirkətin gəlirləri 2011-ci ilin II rübünün nəticələrinə görə 58,7% azalıb. Əgər ötən ilin müvafiq dövründə şirkətin xalis gəliri $797 milyon idisə, indi $329 milyondur.
Üstəlik, BlackBerry şirkətinin səhmləri 20 faiz ucuzlaşıb. Mütəxəssislərin fikrincə, səbəb BlackBerry smartfonlarının sürətlə dəbdən düşməsidir.
