"McDonald’s” ictimai qida şəbəkəsinin növbəti restoranı qapılarını Bakı sakinlərinin və paytaxt qonaqlarının üzünə açıb.
Yeni restoran 8 Noyabr prospekti 4 ünvanında, "Blue Residence” yaşayış kompleksində yerləşir.
Ən müasir mühəndis həllərinin tətbiqi ilə orijinal "Luna” dizaynında layihələndirilmiş, qida sənayesinin ən müasir tələblərinə cavab verən avadanlıqlarla təchiz edilmiş restoranın biri küçədən, ikisi yaşayış kompleksindən olmaqla 3 girişi var.
Qonaqlar sifarişləri həm kassalar, həm də interaktiv özünəxidmət köşkləri vasitəsilə edə bilər ki, bu da prosesi sürətləndirir və rahatlaşdırır.
Restoranın tərkibində fəaliyyət göstərən "McCafe” kafesində qəhvə içkilərinin və desertlərin geniş seçimindən yararlana bilərsiniz.
Yeni filial maşını tərk etmədən sifariş vermək, ödəniş etmək və sifarişi qəbul etmək kimi rahat imkanlar yaradan "MakAvto”, həmçinin sevimli yeməkləri "Wolt” çatdırılma operatoru vasitəsilə qəbul etmək üçün rahat üsul olan "McDelivery” xidməti təklif edir.
Bu restoranın açılması ilə 100 yeni iş yeri yaradılıb. Ən qabaqcıl ictimai qida şəbəkələrindən biri olaraq, hazırda ölkədə 22 restoranı fəaliyyət göstərən "McDonald’s” şirkəti 2000-dən çox Azərbaycan vətəndaşını iş yeri ilə təmin edir.
