2024-cü ilin əvvəlindən neft qiymətlərinin artımı Azərbaycan və Qazaxıstanın gəlirlərini artıracaq.
AZXEBER.COM APA-ya istinadən xəbər verir ki, bu barədə Birləşmiş Millətlər Təşkilatının (BMT) qlobal iqtisadiyyatla bağlı hesabatında bildirilib. Qeyd edilib ki, hər iki ölkədə bu il inflyasiya səviyyəsi əhəmiyyətli dərəcədə azalıb.
Hesabatda həmçinin bildirilib ki, Qafqazın və Mərkəzi Asiyanın digər iqtisadiyyatları Rusiya bizneslərinin köçürülməsindən və Rusiya bazarına artan təkrar ixrac imkanlarından faydalanır. Bununla belə, Rusiya Federasiyasında əməkçi miqrantların işə götürülməsi qaydalarının planlaşdırılan sərtləşdirilməsi çox güman ki, pul köçürmələri axınını azaldacaq və daxili əmək bazarlarında təzyiqlər yaradacaq.
