Birləşmiş Millətlər Təşkilatının Fələstin üzrə xüsusi məruzəçisi Francesca Albanese İsrailin nəzarəti altında olan fələstinlilərin təhlükəsiz olmadığını bildirib.
AZXEBER.COM xarici mediaya istinadən xəbər verir ki, Albanese Misir və İordaniyaya etdiyi səfərlərin ardından İsrailin sıx hücumlarına məruz qalan Qəzzada vəziyyətlə bağlı açıqlama verib.
Fələstin torpaqlarının qarşısı alınmaz bir şiddətin əhatəsində olduğunu vurğulayan Albanese fələstinlilərin və digər şahidlərin danışdıqları hekayələrin, İsrailin 7 oktyabr 2023-cü ildə Qəzzaya hücumunun başlamasından bu yana dünyanın şahidi olduğu vəhşiliklərə yeni dərinliklər qatdığını qeyd edib.
Albanese qeyd edib ki, bu zorakılığın sürəti və intensivliyi işğal olunmuş ərazilərin qalan hissəsinə də sirayət edir ki, heç bir fələstinli İsrailin nəzarəti altında təhlükəsiz deyil.
Gülay
