BMT-nin İnsan Haqları Şurası Qəzzada dərhal atəşkəs tələb edən qətnamə qəbul edib.
AZXEBER.COM xarici mediaya istinadən xəbər verir ki, Birləşmiş Millətlər Təşkilatının (BMT) İnsan Haqları Şurası İsrailin intensiv hücumlarına məruz qalan Qəzzada dərhal atəşkəs tələb edən qətnamə layihəsini qəbul edib.
BMT İnsan Hüquqları Şurasının 55-ci Sessiyası çərçivəsində "İnsan hüquqlarının vəziyyəti və Şərqi Qüds də daxil olmaqla işğal olunmuş Fələstin ərazilərində hesabatlılıq və ədalətin təmin edilməsi öhdəliyi” adlı qətnamə layihəsi səsə qoyulub.
Türkiyənin həmmüdafiəçilər arasında yer aldığı və İslam Əməkdaşlıq Təşkilatının (İƏT) təqdim etdiyi qətnamə layihəsi 47 üzvlü Şurada keçirilən səsvermədə 6 səs əleyhinə 28 səslə qəbul edilib. 13 ölkə səsvermədə bitərəf qalıb.
ABŞ, Argentina, Bolqarıstan, Almaniya, Malavi və Paraqvay layihənin əleyhinə səs verib, Fransa, Hindistan və Yaponiya isə bitərəf qalıb.
Qanun layihəsində İsraili Qəzza zolağının blokadasına və bütün digər kollektiv cəza üsullarına dərhal son qoymağa çağırılır və deyilir: "Qəzzada dərhal atəşkəs yaradılmalıdır. Təcili humanitar yardımlar, xüsusən də keçidlər və magistral yollar vasitəsilə təmin edilməlidir. Qəzzadakı Fələstin xalqının əsas ehtiyacları təcili şəkildə qarşılanmalıdır”.
Ayşən
