"Johnson & Johnson” şirkətinin məhsullarının satılmasından imtina edənlər siyahısına "Bolmart” supermarket şəbəkəsi də qatılıb.
Supermarket şəbəkəsi sözügedən şirkətin bütün məhsullarını satışdan yığışdırdığını bəyan edib.
Bu təşəbbüsün səbəbi "Johnson & Johnson” şirkətinin sosial media paylaşımında separatçı qurumun adını çəkməklə Azərbaycanın ərazi bütövlüyünə hörmətsiz yanaşmasıdır.
Xatırladaq ki, "Johnson & Johnson” şirkəti rəsmi "Twitter” hesabından dünya ictimaiyyəti və beynəlxalq təşkilatlar tərəfindən tanınmayan qondarma Dağlıq Qarabağ qurumunu təbliğ edib.
